سالفة عشاق

موضوع: سالفة عشاق 13/3/2008, 6:59 pm

السلاااااااااام عليكم
هذي قصيده للشاعر فهد المساعد
اتمنى تعجبكم

من بغى الفرقا لقى له عذر واسباب ودليل
خل عنك العذر والأسباب دام الحب ضاع
كان ودّك بالفراق ابشر عسى عمرك طويل
لا تردد وانت لك كلمه ولك امر(ن) مطاع
لي عليك انك تبت بكلمة(ن) تشفي الغليل
ولك علي اني لوقّف وقفة الرجل الشجاع
لاتجاملني مخافة قال مدري خوف قيل
عمر هرج الناس مايسمن ولا يغني جياع
كان قصدك سر حبك اوعدك لصبح بخيل
وأحمل اسرارك معي للموت قدر المستطاع
بس قلها قل محبك وابشر بصبر(ن) جميل
لا تحسب اني مثل من طبعهم لوي الذراع
صاحبك ماهو بكذا ياصاحب القد النحيل
صاحبك طبعه غريب وغربته غربة طباع
في الهوى مايقبل الحل الوسط ولا القليل
مثل ماهو لاشرا يشري اليّا من باع .. باع
ثابت(ن) لو هي تميل الأرض حدره مايميل
يدري ان الفقر ماهو عيب والدنيا متاع
ماعشق لذّة حياته كثر عشق المستحيل
ولا كره حتى مماته كثر كره الانصياع
كم تعلم من شديد البدو وش معنى الرحيل
وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل
وكم تعلم من ليالي البرد وش معنى الضياع
ايه انا هذا طريقي موحش وصعب وطويل
وانت لامنك تعبت العالم فجوجه وساع
اعتبرني في بداية سكتك عابر سبيل
وروح وانا قلبي معك من وين وجهت الشراع
يكفي اني لا ذكرت بسالفة عشاق قيل
عاشر احبابه شَجاع وفارق احبابه شَجاع

وعلى فكره ترا ابي ردود rabbit

موضوع: رد: سالفة عشاق 13/3/2008, 7:15 pm

يسلمو يسلمو يسلمو

ما شاء الله عليك

تعرفي تختاري الشاعر الجيد

يسلمو على القصيدة

تقبلي مروري

اخوك ملك الإحساس

موضوع: رد: سالفة عشاق 13/3/2008, 9:25 pm

ولا يهمك طالعه عليك tongue

مشكور عالمرور
كل يوم تعال تنوّر

موضوع: رد: سالفة عشاق 14/3/2008, 4:31 am

يعطيك العافيه وبانتظار جديدك

موضوع: رد: سالفة عشاق 14/3/2008, 5:13 pm

مشكوووووووور عالمرور نورتي كل يوم تعالي