خااااااطره كتبتها بنت في موووت امها

مشرفة المساهمات : 206 تاريخ التسجيل : 26/01/2008

قرأت في احدى المنتديات هذه الخاطرة الجميله وهي عن الأم واعجبتني جدا لدرجة اني بكيت وانا اقرأها
مو بس بكيت انهرت صرااااااااحه

لذلك قررت ان انقلها لكم واتمنى من الله ان تنال اعجابكم

تعبانة يايمه من جد تعبانة
واحوالي يايمه، ما اظنها تسرك
تعالي وردي عن قلبي أحزانه
محتاجه يايمه أبكي على صدرك
من غيبتك وانا مهمومه حيرانه
ماعندي الا الآه وثيابك وعطرك
كم ليله مرتني مانمت سهرانه
ولهانه يايمه وللحين انتظرك
من كثرت همومي والوقت وأحزانه
تعالي يايمه عمري فدى عمرك
قلبي نطق همه ويصوت السانه
الحال يايمه ماهو على خبرك

انابعدك ولاحاجه انا بعدك ترى عميان.......اشوف ولااشوف اللي يوريني مساراتي
انا وسيد الشقى والهم من بعدك غدينا اخوان......يجيب هموم هالعالم ويرميها بمتاهاتي
صدقتي يوم قلتيلي....صدقتي يوم قلتيلي:
تدين اليوم بس تنـــــــــــــــــــــــدان...رميتك في بداياتي ورموني نهايتي
انا من شالك بايده ورماك باسفل البركان.....نخيتيني وطلبتيني ولاحصلتي نخواتـــــــــــــي
مثل ماهنتي بعيوني عليهم قلبي يمه هان.....رموني وضعفهم فزعه وانا الدمعات فزعاتي

يايمه منتهي جيتك وطالب منك الغفران
اقبل قاعة اقدامك واغسلها بدمعاتي
يايمه كل مافيني يناديلك انا ندمان....... طلبتك قولي سامحتك وردي لوجهي بسماتي
انا ادري قلبك الطيب كسرته بصدمة النكران......... غلطت وغلطتي هذي تعير كل غلطاتي
تشوفي الشيب يايمه ترى ماجاء وانا فرحان.....

ورب اللي رفع ذاتك ونزل للردى ذاتي
فقدت الراحه من بعدك...فقدت الطيبه والتحنان
بدونك راحتي غايه........ بيدينك هذي راحاتــــــــــــــــــي

لـــحــــــضــــــه ..
تكفين يـمه مابي اشوف
بعيونك الدمعـــه
ترى دموعك تعذبني وتشقيني
تزيد الهــم في عمري وتنهيني
ونا محتاجه لك فكل لحضـــه
ووحدهاالبسمه من شفااك تحييني
وانــا من لي غيرك ..؟؟
اذا كسرني الوقت
بأحضاااااانك تلمينــي ..
اماانه حيييييييل ضميني
ابي ادفــــى
ابي حضنك يغطينــي
ابي الملم شتاات بعضي
وحلمي الي انكسر فيني

تعالوا تعالوا يابشر شوفوا انا محتار انا تلفان......... انا امي مادري وش فيها انا مادري انا
احاتي..
شنو.. شنو.. امي انا ماتت..امي انا ماتت لا لا ترى غلطان....انا امي ماتخليني على حزني ووناتي
انا امي قلبها طيب ولايمكن تبكي انسان........ انا امي ماتبكيني ولاتتمنى اهاتي
يايمه صح مامتي..يايمه صح مامتي..وصح الموت تو ماحان...اذا متي انا بعدك ابقضي وين ساعاتي
يمه قومي يايمه قومي وقولي الموت لا ماكان......انا جيتك وانا ناوي ابدل فيك جناتي
تركتيني ومتي ليه تركتنيني وانا غرقان........ولا مسموح ياوليدي ولاتلعنك لعناتي
انا الجاني.. انا الجاني وانا المجني وانا المخطي وانا الندمان......انا بايدي رميتك ايه وبعثرته
ملفاتي
وجيت من الهنا مفلس وقلبي من الضنا خسران......تركتيني على ناري اعدد فيك زلاتي
ولاني مرضي ربي ولاني تــــــــــــــــابع الشيطان......انا بعدك ترى مابين نهاياتي وبداياتي
يايمــــــــــــــــه منتهي جيتك وكلي مرتجي غفران....وشفت الناس تلعنـــــــــي وتحذرني من
الاتـــــــــــي
وشفت الناس تلعني وتحذرني من الاتـــــــــــــــــــــــي

يمـه حيييييييل ضميني
ابي ادفـــــى
ابي حضنك يغطيني
ابي الملم شتااات بعضي
وحلمي الي انكسر فيني
وعلى صدرك
بخاطري اشكي يا يمه
بس خوفي الدمعـــه
تجرح عيونك وتنهيني
بخاطري ابكي الغربـــه
و قساوة الوقت وضلمـــه
بس تكفين يمه مابيك تـَبْـــكيني
تعبت يايمه من زيف البشــر
ووهــم الاصحـــاب
عيون تخضعــلك
وشفاه تضحكــلك
ولا تـــدري من الصــــادق
ومـــن الكــــذاب..؟؟
تعبت يايمه من صمتي
ومن قسوووة زمــااانــي
ابي افرح .. بس وين الفرح
وكل حلم حلمته مات قدامي
تعبت من خوفي من بكره
وشلون يبعدنا الوقـــت ..؟
وشلون يتبدل الحلــم ..!!
و اعيـــش الواااقــــع
فـي حلـوه ... ومــره ..
شفتي يمه اشكثرتسكني الهمــوم
وشكثر اعااني من التعــب
وشكثرها في سمااي الغيــووم

يمه وحشني صوتج الحنون وحبج المجنوون ودي ارتمي في حظنج واصيح بكل قوه والمج
واقولج يا يمه وحشتيني .. ووحشتني كلمه يابنتي ووحشتني كلمه يايمه ..
يما اذوق الآه في بعدي عن قلبج في بعدي عن حظنج في بعدي عن بيتج ,,
رجيت الموت ياخذني من دنيا مابها امي !
مثل احساس التايه ! الضايع ! الميت بس جسد يمشي بدون روح
أه يمه كفنيني ولا اشوف دنيا بدونج تنهيني

يمه لاتظنيني انا من فعلهم زعلان.........سواة فيك سويته وسووا فيني سواتــــــــــي
يايمه يالله ظميني ودفيني بهالاحضان......انا ادري فيك مشتاقه وهمك بس ملاقاتي
يايمه حيل ظميني ابي ارتاح انا تعبان...... تعبت اهرب من ذنوبي ابي اسافر
مسافاتــــــــــــــــــــــــي
ابي اسمع منك اي كلمه لصوتك مسمعي ولهان.ابي اسمع يمه..يمه..بصوتك ابذكر فيها نشواتي
اشوفك ساكته يمه غفيتي ولا انا غلطان .......غفيتي يابعد عمري تعبتي من مواساتي
يايمه.,. يايمه......يايمه......يايمه...طالبك قومي اذا لي بعيونك شـــــــــان
اشوف المــــــــــــــــــــــــــــــــــــــــــوت بعيونك عساها تخيب هقواتي

تحياتي لكم

يسلمو اختي لمى

مررررررررره حلوة وحزينة تقطع القلب

اشوفك ساكته يمه غفيتي ولا انا غلطان .......غفيتي يابعد عمري تعبتي من مواساتي

تقبلي مروري

ملك الإحساس

يسلموو خيتوو ع الخاطرة

بجد مؤثرة وكلماتها روعة

احسها نابعة من صميم القلب

مشكورة وننتظر جديدك

حــلا

يالله ماتحمل
عذااااااااااااااااااااااااااااااااااااااااااااااااااب
يعطيج بي مليوون ألف عاافيه ع النقل الراااااااااااااائع
لمووي أنا مثلج والله هب طبيعيه الخاطره هب قاارده اصبر قرأتها مره ومرتين وثلاث هب قاارده اسكر الصفحهـ

عذاااااااب
بس الشيخه ها بنت اللي ترمس امها مب ولد يعني الحووار جنه بنت هب ولد
(محتاجه يايمه أبكي على صدرك
من غيبتك وانا مهمومه حيرانه
كم ليله مرتني مانمت سهرانه
ولهانه يايمه وللحين انتظرك )

بس ع العمووم مشكووره خيتوووو
تقبلي مروووري والسمووحه
ع القصوور
تحيــــــــــاتي
حــــــــــوريه